Niko Komani ka qenë i ftuar ditën e sotme në emsionin “Wake Up” me Isli Islamin ku mes të tjerash që u fol ktheu sërish në vëmendje Eurovisionin.
Ronela Hajati ishte një ndër artistet e cila është komentuar më së shumti nga gjithë pjesmarrësit në historinë e Eurovisionit të cilët kanë përfaqësuan vendin tonë.
Ajo arriti që me veshjen, performancën të bënte për vete një publik të gjërë të cilët e duartrokitën atë.
Përveç duartrokitjeve Ronela mori edhe një sërë kritikash për sa i përket veshjes së saj, dhe për këtë gjë foli stilisti Niko Komani i cili ju përgjigj të gjithë zërave që nuk i pëlqyen veshjet e saj, duke nisur nga paraqitja e saj në tapet e cila u akuzua si e kopjuar apo veshja gjatë performancës.
Niko pohoi se ai nuk e veshi i vetëm këngëtaren pasi në veshje mori pjesë dhe Ronela.
“Ajo nuk është kukull që ti them unë çfarë duhet të veshi, në rradhë të parë Ronela përfaqëson veten me veshjen pastaj e trasmeton atë tek publiku”, tha ai.
Nga ana tjetër i është përgjigjur dhe të gjithë atyre të cilët menduan se kjo është një veshje e ekzagjëruar ose kishte lakuriqësi sepse sipas stilistit kishte plot artistë aty që ishin më të zhveshur se Ronela.
“Ishim madje shumë të veshur nëse disa thanë se ishim të zhveshur. Kishte pafund artistë ‘lakuriq’ sipas tyre, shqiptarët duan të mbulojnë të tyret, por adhurojnë ata të huaj që zhvishen”.
