Këngëtarja e njohur Dua Lipa para pak ditësh u pa e shoqëruar në një klub nate nga aktori i serialit të njohur ‘Elite’ dhe menjëherë në rrjet të gjithë filluan të qarkullonin pamjet dhe të përgëzonin çiftin e ri.
Por mesa duket kaq e patë të dy sepse së fundmi para pak orësh në rrjet qarkullon një video ku Aron Pieper është duke puthur një tjetër vajzë.
Duke marrë parasysh edhe reagimet në Twitter, fansat shprehën tronditjen e tyre për situatën ‘e çrregullt’, megjithëse disa spekuluan se ishte një mashtrim publicitar për të futur këngën e Dua dhe “Why Don’t You Love Me” në një video muzikore në të cilën mund të luajë Aron.
Pretendimet se ‘trekëndëshi i dashurisë’ është një reklamë apo promovim nxiten nga fakti se aktori është në një lidhje prej dy vitesh. Ndërkohë Dua besohet se është akoma vetëm pas ndarjes nga partneri i saj, modeli amerikan, Anwar Hadid.
Por ka diçka që na konfuzon pak sepse kur diva e muzikës pop, Dua Lipa ndodhej në Itali për turin e saj “Future Nostalgia” mes personave që e shoqëronin ishte edhe drejtori i markës Valentinto, Yigit Turhan.
‘Daily Mail’ hodhi dyshimet se dyshja mund të jenë më shumë se thjesht miq dhe i ka fotografuar ata bashkë në Portofino.
Dua dhe Yigit shfaqeshin duke bërë selfie të dy bashkë dhe dukeshin shumë të afërt megjithatë asgjë nuk është ende konkrete nëse kemi një lidhje të re dashurie apo thjesht miqësi.
Kujtojmë që Dua vetëm pak kohë më parë u nda nga i dashuri i saj Anwar Hadid dhe së fundmi bukuroshja dha një intervistë ku dhe foli rreth ndarjes nga modeli.
26-vjeçarja theksoi se tani është e përqendruar tek vetja.
