Jennifer Lopez ka përmendur Shqipërine dhe ka përshëndetur shqiptarët në një lidhje live në Instagram.
Super ylli botëror ka pikasur shqiptarët në mesin e një audience masive dhe ka arritur të lexojë komentet për Shqipërinë.
“Tung Shqipëria, ju pashë, ju pashë përgjatë gjithë kohës” – dëgjohet duke thënë J Lo shoqëruar me një puthje.
‘Fajtori’ për këtë është shqiptari Ardit Nreca i cili ka dërguar një numër të madh të komenteve përgjatë lidhjes direkte të këngëtares me audiencën e saj në Instagram.
Nreca është fans i flaktë i këngëtares që edhe më herët pati arritur të marrë vëmendjen e këngëtares në mënyrë virtuale, me ç’rast i kishte komentuar në një nga kërcimet e tij duke iu bashkëngjitur sfidës në pandemi.
Ndryshe, kohë më parë u pati raportuar se në mesin e vetëm 1 mijë personave që J Lo ndjek në Instagram ishte një trajner shqiptar fitnesi që jeton e vepron në Kosovë.