Pas daljes nga shtëpia e “Big Brother VIP” Kejvina u përball me një presion të madh nga ana e publikut e kjo për shkak të asaj që shkaktoi edhe eleminimin e saj, ofendimet dhe dhunën fizike ndaj Luizit.
Ndaj, pas daljes nga shtëpia ajo mori një kohë pushim duke u larguar nga rrjetet sociale ndërsa sot ka qenë gati për të bërë reagimin e parë publik.
Me anë të një postimi në Instagram, ajo bëri një shkrim të gjatë ku ndër të tjera vihej re qëndrimi që ajo ka mbajtur pasi pa situatën jashtë shtëpisë.
Kejvina u shpreh se ka rënë pre e një manipulimi, duke lënë të kuptohet se i referohet Oltës, dhe shtoi se miku i saj i vërtetë ka qenë vetëm Luizi.
“Kejvina e BB Vip, ra pre e një manipulimi, të turpshëm… shoqëria jonë nisi përpara se të niste “kryqëzata” dhe do vazhdojë edhe më mbrapa…Luiz, për mua je miku i mirë i ditëve të para në shtëpi dhe jam e sigurt që të dy ne e dimë që do jemi njësoj edhe kur të dalësh jashtë…”- ishin disa pjesë nga shkrimi i saj.
