Kanye West ka kërcënuar se do ta “rrahë” të dashurin e ri të ish-gruas së tij, Kim Kardashian, Pete Davidson, në këngën e re të titulluar “My Life Was Never Eazy”, një bashkëpunim me reperin The Game.
Në këngë Kanye dëgjohet të repojë: “Zoti më shpëtoi nga ajo përplasje/ vetëm që të mund ta rrah Pete Davidson”. Pasi përmendet emri i Davidson, zëri i një gruaje, që tingëllon shumë si i Kim, dëgjohet të thotë “Kush?”.
West i referohet përplasjes së tij gati fatale me makinë të vitit 2002. Më shumë se 10 vjet pas aksidentit, ai u martua me Kardashian, në vitin 2014. Megjithatë, ajo paraqiti kërkesën për divorc në shkurt të 2021-shit, pas gati 7 vitesh dhe katër fëmijëve së bashku.
Kim filloi të takohej me Davidson në tetor, ndërkohë që West bëri përpjekjet e tij romantike për rikthim. Ndërsa Kanye doli me modelet Irina Shayk dhe Vinetria, dhe së fundmi është parë në disa takime me Julia Fox.
Publikimi i diss-it të ri të West është hera e parë që reperi flet publikisht ndjenjat e tij të vërteta që ka rreth lidhjes së ish-gruas së tij me Pete Davidson.