Dy artistët e njohur shqiptarë, Ardian Bujupi dhe Noizy, kanë publikuar në mesnatë projektin e ri muzikor.
Bëhet fjalë për një këngë të re verore ritmike të quajtur “Aventura”, të cilën e kanë kompletuar edhe me videoklip.
Producimi është realizuar nga EngliVersal, kurse për miksimin dhe masterizimin u kujdes Jetmir „9Milli“ Sherifi.
Ky duket se është bashkëpunimi i parë i tyre, i cili besohet se do të shndërrohet në një hit veror.
Ardiani përkundër se jeton dhe vepron në Gjermani, ai shpesh realizon këngë e bashkëpunime me artistë që veprojnë në tregun muzikor shqiptar.
