Gjatë ditës së sotme Kiara ka patur dukshëm një hatërmbetje ndaj Luizit, të cilën nuk ngurroi t’ia shprehte këtij të fundit.
Pak pas përfundimit të spektaklit, Luizi i hodhi një batutë Kiarës dhe i tha se “kur nuk ke cigare, bëhesh shok me gjithkënd”.
Kjo u morr si një thumb për marrëdhënien e saj me Oltën, pasi gjatë spektaklit u diskutua qëndrimi që do të mbante Kiara pas krisjes së marrëdhenies së Oltës dhe Luizin.
Ndaj, ditën e sotme ajo i ka mbajtur qëndrim Luizit dhe i ka kërkuar të tregojë respekt ndaj saj.
Nga ana tjetër Luizi e ka kaluar gjithë ditën afër Teas e vetëm pak më parë ka arritur të sheshojë marredhënien me Kiarën.
Moderatorja i ka thënë se është vënë në një pozitë të vështirë për shkak të marrëdhënies së krisur mes tij dhe Oltës, ndërsa është shprehur se nuk mban anën e asnjërit.
Luizi nga ana tjetër e ka kaluar situatën me fjalë romantike ndaj Kiarës, duke i treguar rëndësinë që ajo ka për të në shtëpi.
