Këngëtarja e njohur Grimes dhe Elon Musk janë bërë prindër për herë të dytë.
Muzikantja 33-vjeçare, emri i vërtetë i së cilës është Claire Elise Boucher, e ndau lajmin e saj në kopertinën e re të “Vanity Fair”.
Në fillim, gjatë intervistës, Grimes heziton të diskutojë për zgjerimin e familjes së saj, por më pas tregoi se ajo dhe Musk, 50 vjeç, mirëpritën në dhjetor një vajzë përmes një gruaje surrogate, të cilën ata e quajtën Y.
“Emri i saj i plotë është Exa Dark Sideræl Musk”, thotë Grimes për revistën.
Për sa i përket kuptimit të emrit unik, Grimes thotë se Exa është një referencë për termin superkompjuterik “exaFLOPS” (aftësia për të kryer 1 kuintilion operacione për sekondë), ndërsa Dark (errësira) përfaqëson “të panjohurën”.
“Njerëzit i frikësohen por në të vërtetë është thjesht mungesa e fotoneve,” thotë Grimes. “Errësira është misteri i bukur i universit tonë.“
Për sa i përket fjalës Sideræl-it (shqiptuar sigh-deer-ee-el ) do të thotë “koha e vërtetë e universit, koha e yllit, koha e hapësirës së thellë, jo e afërmja jonë. Koha e tokës.”
Pavarësisht se ka mirëpritur një fëmijë të dytë së bashku me Musk, Grimes mbetet e paqartë për statusin e saj romantik.
“Nuk ka asnjë fjalë të vërtetë për lidhjen tonë,” thotë ajo. “Ne jetojmë në shtëpi të ndara. Ne jemi miqtë më të mirë. Ne shihemi gjatë gjithë kohës … Ne kemi vetëm gjërat tona që po ndodhin dhe nuk pres që njerëzit e tjerë ta kuptojnë.”
