Miss Elite është një konkurs ndërkombëtar i bukurisë që zhvillohet në Somabay, një qytet turistik modern në Detin e Kuq, Egjipt.
Këtë vit konkursi u mbajt ditën e premte më 19 maj dhe mes 40 konkurrenteve në finalen e madhe, modelja kosovare Mejreme Hajdaraj arriti të kurorëzohej si “Miss Elite 2023”.
Bukuroshja e Kosovës është fituese e shumë kurorave duke përfshirë “The Miss Dreamgirl Of The World 2022” “The Miss Globe Kosova 2022” dhe “Miss Grand Kosova 2021”.
Mejreme Hajdaraj është një modele profesioniste që nga viti 2016 e cila e do botën e artit në përgjithësi.
Ajo ishte pjesë e shumë konkurseve të bukurisë për të fituar, por synimi i saj ishte edhe të njihte më shumë kulturën botërore, të mësonte më shumë rreth modelingut dhe gjithashtu të tregonte më shumë për veten.
Pas fitores, ajo bëri edhe një shkrim falenderues në profilin e saj të Instagramit, ku u shpreh:
“KOSOVO WE DID IT!!! Në mesin e shumë shteteve të botës që u bashkuam për të konkuruar në event botëror në Somabay- Egypt, pas një pune të palodhshme dhe duke mos hequr kurrë dorë fitova Miss Elite World 2023. Faleminderit të gjithë atyre që më perkrahen më zgjodhen dhe besun në mua. Faleminderit Stefano dhe Miss Elite, faleminderit jurisë dhe publikut, faleminderit Miss Shqipëria, faleminderit Lense production, faleminderit familjes që më përkrahën dhe miqve po ashtu. Mbi të gjitha Faleminderit Kosovë, Kurora ime është për të gjithë ju. Shpresoj tju bëj krenar”
