Butrint Imeri së fundmi është kthyer në një prej personazheve më të përfolur në media, kjo pasi ish-e dashura e tij Kiara Tito është futur në shtëpinë e Big Brother VIP Albania.
Gjatë qëndrimit në këtë shtëpi, ajo ka krijuar një lidhje me Luiz Ejllin, i cili njihet si një prej konkurrentëve më të fortë në BBVA.
E kur jemi te Kiara, pikërisht në koncertin e fundit fansat kanë bërë një pyetje mjaft provokuese për këngëtarin nga Kosova.
Në videot e publikuara në rrjetet sociale, shihet se si ata kanë shkruar në telefon pyetjen “A të mungon Kiara”.
Butrinti pavarësisht se e ka parë këtë gjë, nuk ka dashur të përgjigjet, duke vazhduar me koncertin.
Kujtojmë se në fillim të BBVA, Butrint Imeri shprehu publikisht mbështetjen për Kiarën duke publikuar në InstaStory një fotografi të saj, shoqëruar me një emoji në formë kurore.
