Disa ditë më parë në mediat rozë dhe rrjetet sociale qarkulloi lajmi se Evi Reçi mund të ishte në pritje të ëmbël, pak kohë pasi bëri zyrtare lidhjen e saj me ish-banorin e “BBVIP”, Kledi Hysa.
Shkak për aludimet u bënë disa komente në Instagram të mikeshës së saj të ngushtë, Arjola Shehut, ndërsa fansat e çiftit kanë qenë që nga ai moment kuriozë të dinë të vërtetën.
Përgjigjen për lajmin mund t’jua japë direkt Kledi gjithsesi, i cili i ftuar në “Natën me Aulonën”, i pyetur për planet e të pasurit një fëmijë, u shpreh se “nuk e kanë bërë ende si diskutim” me Evin, megjithatë “patjetër që të dy kanë mjaft dëshirë dhe do e shohin vitin e ardhshëm”.
Pra, çifti ka planet për të bërë fëmijë, vetëm se jo tani dhe mesa duket, jo këtë vit, ndërkohë që po ashtu Kledi tha se familja e tij mezi pret që të kenë një fëmijë nga ai, sidomos babai dhe e ndjen pak “presionin” nga ata.
