Alban Ramosaj ka lansuar sot këngën e re të titulluar “Plagë”, të cilin ia ka dedikuar babait të tij, i cili ka ndërruar jetë shumë vite më parë.
Mungesën që i ati i ka lënë prej vitesh, këngëtari vendosi t’a kthente në rreshta dhe melodi, ashtu siç vetëm Albani di të bëjë.
“E kam të vështirë të publikoj këtë postim, lëre të publikoj një këngë e videoklip mbi këtë temë që unë rrallë herë jam shprehur e madje as familjarët e mi nuk më kanë parë apo dëgjuar në momente të dobëta emocionale siç më shihni e dëgjoni në “Plagë””, shkroi Albani në postimin e publikuar në Instagram.
“Por, kjo është e vërteta ime dhe jam koshient që ka të tjerë qe janë “njohur” me vdekjen në një formë apo tjetër, dhe ndaj, kjo këngë është për të gjithë ata të cilët mendojnë se mund të kenë pas një lloj padrejtësie apo janë në kërkim të arsyeve… Nuk jeni vetëm.“Plagë” fton të gjithë ata që e ndjejnë veten në këto vargje dhe nuk gjetën gjenezën e fajit. Në kujtim të tim Ati. (Muhamet Kamerolli 1963-2010)”, vijoi më tej ai.
