Ellie Goulding i ka dhënë fund thashethemeve të vjetra se ajo e tradhtoi Ed Sheeran me anëtarin e grupit “One Direction” Niall Horan shumë vite më parë.
Goulding i cilësoi thashethemet të pabaza kur një përdorues i rrjetit komentoi në një video të saj në TikTok, ku ajo po kërcente me këngën e Harry Styles, “As It Was”.
“Nuk mund të besoj se e ke tradhtuar Edin me Niallin”, ka shkruar komentuesi poshtë videos së Goulding, duke e akuzuar atë për tradhti.
Por këngëtarja e “Lights” e mbylli me shpejtësi akuzën duke i kthyer përgjigje “E rreme!!!!!”.
Goulding, 36 vjeçe, dhe Sheeran, 31 vjeç, fillimisht ndezën thashethemet për lidhje kur u panë të kapur për dore ndërsa ishin ulur në audiencë së bashku në MTV Video Music Awards 2013.
Ndërsa Goulding mohoi se ata ishin çift, Sheeran raportohet se kishte insinuuar se ata po takoheshin në një intervistë atë vit përpara se të pranonte se gjërat mbaruan aq shpejt sa filluan.
“Dua të them, njerëzit normalë nuk mbajnë dorën nëse janë thjesht miq”, i tha Sheeran stacionit radiofonik të Uashingtonit Click 98.9, në atë kohë, përpara se të shtonte, “Po ndodhte. Dhe tani nuk është”.
