Një lajm i trishtë është raportuar nga Massachusetts.Prindërit e aktores së njohur Alicia Witt janë gjendur të vdekur brenda shtëpisë së tyre.
Ylli i “The Walking Dead” nuk kishte komunikuar disa ditë më prindërit dhe u ka kërkuar disa të afërmve t’i vizitojnë.
“Për fat të keq, rezultati ishte i paimagjinueshëm. Po kërkoj pakëz privatësi për momentin për të vajtuar dhe për të mësuar të përballem me këtë ndodhi dhe humbje të pabesueshme”, ka deklaruar Witt për People.
Sipas Worcester Telegram dhe Gazette, policia ka thënë se kishte marrë njoftim se prindërit e Alicias kanë pasur problem me ngrohjen dhe se kanë përdorur një nxehëse për ta ngrohur shtëpinë e tyre të vjetruar, por edhe se nuk ka pasur shenja të dhunës e as prezencë të monoksidit të karbonit.
Ndërsa hetuesit i kanë thënë Boston 25 se besojnë që hipotermia e shkaktuar nga ekspozimi i gjatë ndaj të ftohtit mund të ketë luajtur rol në vdekjen e Robert Witt (87 vjeçar) dhe Diane Witt (75 vjeçare).
