Dita e dielë ka qenë një ditë mjaft e trishtë për të gjithë futbollin shqiptar.
Mediat sportive me hidhërim të thellë, kanë bërë të ditur lajmin se ish-futbollisti i disa skuadrave në vendin tonë, Spartak Elmazi, është ndarë nga jeta këtë të dielë në moshën 34-vjeçare.
Lojtari i lindur në qytetin e Korçës, vuante nga një sëmundje e rëndë, të cilën nuk arriti dot ta mposhtë. Për tre vite me radhë, futbollistit shqiptar i është dashur të luftojë për jetën e tij.
Kjo ngjarje ishte mjaft e trishtë per familjen e sportistit, si edhe per futbollin shqiptar.
Përgjatë karrierës së tij, Spartak Elmazi është aktivizuar me një sërë ekipesh të ndryshme. Kryesisht, ekipet kanë qenë pjesë e Kategorisë së Parë. Megjithatë, më shumë ai ka rënë në sy tek ekipet si Dinamo dhe Kamza, ku ka luajtur në pozicionin e mesfushorit.
Gjithashtu është aktivizuar dhe me Tomorin, Pogradecin dhe Kastriotin. Elmazi, ndër të tjera ka luajtur edhe në Superiore një pjesë të karrierës së tij.
Vetë ekipi i Tomorit, ka shprehur ngushëllimet për të ndjerit nëpërmjet një postimi në “Facebook”.
“Një lajm i zi vjen nga Pogradeci.
Ndahet nga jeta,futbollisti Pogradecar
SPARTAK ELMAZI 34 vjeç.
Ish futbollist i Tomorit në edicionin 2012-2013
Spartaku një futbollist shëmbullor në fushën e lojës dhe jashtë saj.
Për të gjithë tifozerinë beratase Spartaku do të mbetet gjithmon në zëmrat e tyre.
I pa harruar qoftë kujtimi i tij.”
