Fituesi i edicionit të parë të Big Brother VIP 1, Ilir Shaqiri, ka folur për fituesin e edicionit të dytë.
Në një prononcim për emisionin “Ditë e Re” në RTV Ora, Iliri u shpreh se BBV 1 është njëshi, por për pasardhësin e tij në këtë edicion ai shikon këngëtarin shkodran Luiz Ejllin.
“Vjet ishte njëshi dhe njëshi është njëshi. Numrat që do të vijnë në vijim secili do të ketë rëndësinë e vetë padiskutim, sic edhe çdo banor dhe fitues. Banori që e ka gjithë vëmendjen, nuk e them unë e thotë Shqipëria është Luizi. Unë jam me atë që janë shqiptarët. Ka disa vetë që më pëlqejnë aty, por Luizi është më i veçanti,”-u shpreh Iliri.
Kujtojmë se pak ditë më parë, “Vëllai i madh” i vendosi banorët përballë sfidës së “mosreagimit”.
Ata duhet të mos bënin asnjë lloj reagimi gjatë situatave jo të zakonshme që do të ndodhnin në shtëpi e si shpërblim do të shtoheshin 10 mijë euro në çmimin e madh.
Një nga këto ngjarje ishte edhe hyrja e ish fituesit të edicionit të kaluar, Ilir Shaqiri.
Mirëpo, Olta ishte ajo që e prishi sfidën dhe komunikoi me Ilirin duke e pyetur për informacione nga jashtë shtëpisë.
Pas kësaj, edhe banorët e tjerë filluan të kominikonin dhe t’a takonin Ilirin edhe pse pas largimit të këtij të fundit, ata e kryqëzuan Oltën për veprimin e saj.
Ndër të tjera, Iliri tregoi se Luizi do të jetë fituesi sipas tij, ndërsa Oltës iu drejtua duke i thënë se “e ke prishur që në fillim”.