Këngëtari i njohur, Sabri Fejzullahu, po vazhdon të jetë i angazhuar me projekte muzikore dhe koncerte të ndryshme.
Së fundmi, përmes një video të publikuar në rrjetet sociale, ai ka reaguar lidhur me lajmin në disa media që e kanë shpallur të vdekur.
Fejzullahu ka treguar se është shëndoshë e mirë dhe se po vazhdon punën pa u ndalur.
“Përshëndetje, të gjithëve juve që e dëgjoni këngën time kudo që jeni shqiptarë të nderuar që ju dua fort, ju çmoj dhe ju respektoj. Është hera e katërt që brenda tre muajve po shkruhet në portale se kam vdekur.
Unë jam gjallë e shëndoshë e mirë punoj kurrë pa u ndal hiç, ju dua me gjithë zemër dhe vetëm ai i madhi vendos se kur do të vdes unë. Faleminderit shumë. Ju dua me shpirt, ju përshëndes”, u shpreh ai.
https://www.facebook.com/SabriFejzullahuOfficial/videos/371427854889762/
