Ka ndërruar jetë vetëm pak orë pas abortit të një fëmije në maternitetin e Elbasanit 34 vjecarja Etleva Çullhaj.
Gruaja e re, banuese në lagjen “5 Maji” të këtij qyteti ishte tashmë nënë e dy fëmijëve dhe priste një të tretë.
Mjekët pretendojnë se Cullhaj kishte mbërritur në spital me një shtatzani të dëmtuar. Sipas tyre, fëmija ka qenë i pajetë ndaj dhe duhej kryer procedura e abortit.
Burimet spitalore thonë se pacienteds i është kërkuar të qëndrojë aty pas ndërhyrjes, por ajo ka kërkuar të largohet. Gruaja shoqërohej vetëm nga një shoqe dhe askush tjetër. Disa orë më vonë megjithatë, është rikthyer në gjendje të rënduar, dhe me komplikacione të cilat i kanë kushtuar jetën.
Dy mjekë të spitalit të Elbasanit, Arben Paralloi dhe Behar Gjevori janë vënë nën hetim lidhur me këtë rast. Nga ekspertiza deri tani rezulton se vdekja është pasojë e një tromboembolie apo mpiksje gjaku.
34 vjecarja punonte prej kohësh në Elbasan ku merrte lokale të vogla me qira, ndërsa prindërit e saj banonin në Baldushk ku edhe do të përcillet për në banesën e fundit.
Ndërkohë sipas disa raporteve në media, bashkëshorti i viktimës po vuan dënimin në një burg të Greqisë
