Rreth 3 muaj nga fillimi i “Love Story”, më në fund, është formuar çifti i parë, por jo nga ata që të gjithë prisnim.
Nuk bëhet fjalë për asnjë nga fronistët, zgjedhjen e bëri Andi nga kasti i djemve duke treguar se ka lindur një pëlqim mes tij dhe Klaudias nga kasti i vajzave.
Gjithçka doli jashtë pritshmërive, kur Andi, pasi sqaroi se nuk ka kimi me asnjërën prej fronisteve, iu drejtua Klaudias:
“Klaudia. E di që të erdhi e papritur, sepse unë jam një njeri që i bëj gjërat në moment. Na ka përfshirë të dyve ky emocion. Kam parë sinqeritet te ty. Jam shumë i sigurt në çdo hap që hedh. Je e vetmja gocë për të cilën kam ndjenjë. Klaudia, kam dëshirë që këtë ndjenjë që kemi krijuar në ‘Love Story’ ta vazhdojmë jashtë”.
Klaudia e emocionuar tha donte kohën e saj, por shtoi se pranonte ta vazhdonin njohjen jashtë programit.
Dhe ky moment romantik u mbyll ashtu siç duhej, me një puthje në buzë mes Andit dhe Klaudias, çiftit të parë zyrtar të Love Story 2!