Ka shumë histori që dëshmohet se shoqet i marrin njëra-tjetrës të dashurin ose bashkëshortin dhe në fakt është një gjë që ndodh kudo.
Po a ka qenë vërtet shoqja juaj nëse u merr burrin?! Këtë nuk dimë ta themi me siguri, por më poshtë keni disa mënyra se si mund ta kuptoni që shoqja juaj ka një ‘crush’ mbi të dashurin tënd.
1-Bëhet nervoze kur ju shikon të lumtur
Nëse e shikoni sikur xhelozon për lumturinë tuaj, bëni kujdes. Ajo po ndjen diçka për të dashurin tuaj, po kërkon lumturinë tuaj për vete.
2-Ju pyet për intimitetin tuaj
E dimë se mes shoqesh flitet hapur në lidhje me jetën intime, por nëse këto biseda shtohen, diçka nuk shkon. Pse duhet t’iu pyesë kaq shumë? Dyshoni!
3-Kritikon gjithçka që ka lidhje me të dashurin tuaj
Ajo po përpiqet të nxjerrë anën negative të gjërave që ai bën dhe nëse e bën shpesh këtë gjë dëshiron që ju të debatoni me të dashurin tuaj. “Shoqja” juaj po përcjell vetëm negativitet.
4-Merr pa pushim në telefon
Telefonatat mes shoqesh janë normale por nëse ju telefonon ose shkruan vazhdimisht edhe në ditët që ju i keni thënë se jeni të zënë diçka nuk shkon.
Ajo dëshiron të jetë në dijeni të vazhdueshme me aktivitetet tuaja në çift dhe të bëhet pjesë e tyre.
