Christina Perri është në pritje të fëmijës së dytë me bashkëshortin Paul Costabile.
Lajmin e bëri me dije vetë këngëtarja përmes një postimi në rrjete sociale, ku shkruante se së shpejti do të mirëpresë një tjetër vajzë në jetë.
Çifti janë tashmë prindër të 4-vjeçares, Carmella Stanley.
Artistja ndau lajmin me një video të adhurueshme, ku shihet vajza duke hapur një kuti e cila përmban ekon e motrës së saj të vogël.
“Rosie i dërgoi Carmella-s një motër të vogël dhe ne jemi shumë të emocionuar”, njoftoi këngëtarja duke iu referuar vajzës që humbi në vitin 2020 dhe vajzës së saj 4-vjeçare.
Lajmi i ëmbël vjen më pak se dy vjet pasi Perri njoftoi se Rosie, të cilën ajo priste me bashkëshortin Costabile, e kishte humbur për shkak të komplikimeve gjatë shtatzënisë.
https://www.instagram.com/reel/Cd56JBAAM7L/?igshid=YmMyMTA2M2Y=
