Që pas deklaratës së Donald Veshajt se po përpiqet të rifitojë Bora Zemanin dhe se i ka kërkuar falje, duket se ribashkimi mes tyre është më i mundur në sytë e njerëzve.
Teksa takimet mes tyre nuk kanë munguar, aktori po vijon përpjekjet për të bindur moderatoren ta falë.
Jo më larg se ditën e djeshme konkurrenti i “Për’puthen”, Samiu, postoi një foto krah tij.
Ata shfaqeshin të buzëqeshur dhe në mbishkrimin e fotos Samiu vendosi emojin e borës.
Mirëpo, e dini çfarë porosie i ka lënë Donaldi konkurrentit të “Për’puthen”? Burime pranë “Panorama Plus” bëjnë me dije se aktori i ka kërkuar t’i bëjë të fala “ish” partneres së tij, Bora Zemanit.
Gjithashtu, burime për “Kryefjala” kanë treguar ditën e sotme se dyshja pritet të publikojnë duetin e tyre të parë muzikor ku theksojnë se të dy janë parë shpesh në studion e Elgit Dodës.
Donaldi duket se e ka marrë seriozisht këngën ndërsa Bora po i rikthehet një pasioni të saj të vjetër.
