Teksa ishte i ftuar së fundmi në një intervistë në RTV Ora përballë Ester Bylykut, piloti Arbër Xhaja rrëfeu surprizat për banorët e “Big Brother VIP”.
Ndër të tjera, Arbri u ndal dhe te një surprizë që tentoi t’ia bënte Luizit por nuk ia lejoi produksioni.
Teksa u pyet nga Bylyku se pse surpriza e përgatitur për Luizin nuk shkoi deri në fund, piloti tregoi se është një vendim i produksionit, vendim të cilin iu desh ta respektojë.
“Siç e dimë tani, produksioni ka marrë një vendim që të mos lejohen më fluturimet për momentin dhe unë meqënëse kam qenë pjesë edhe vjet e Big Brotherit, vendosa ta respektoj vendimin e tyre. Kjo pjesa e BBV më duket si ajo torta e 100 vjetorit që duan të hanë të gjithë nga pak”, tregoi piloti.
Përsa i përket banorëve të shtëpisë së BBV, mbrëmjen e djeshme është eleminuar nga gara Ronaldo Sharka.
