· Kriza në Ukrainë duhet të jetë “katalizatori për ndryshim” për të riparë qasjen e perëndimit ndaj sigurisë ndërkombëtare, ka thënë sekretarja e jashtme e Mbretërisë së Bashkuar, Liz Truss. Truss e përshkroi Putinin, si një “operator mashtrues të dëshpëruar, pa interes për normat ndërkombëtare” dhe i bëri thirrje perëndimit të “gërmojë thellë” në inventarin e armëve. “Ne duhet të dyfishojmë mbështetjen tonë për Ukrainën,” tha ajo.
· Sekretari i Përgjithshëm i Kombeve të Bashkuara, António Guterres, ka mbërritur në Ukrainë pas takimit me Putinin dhe ministrin e jashtëm, Sergei Lavrov, në Moskë. Guterres do të takohet sot me presidentin ukrainas, Volodymyr Zelensky.
· Volodymyr Zelensky i përshkroi veprimet e Rusisë si “shantazh energjie” kundër Europës. Zelensky tha se vendimi i Rusisë për të ndërprerë furnizimin me gaz për Poloninë dhe Bullgarinë tregon se “askush në Europë nuk mund të shpresojë të mbajë ndonjë bashkëpunim normal ekonomik me Rusinë”.
· Komisioni Europian ka propozuar pezullimin e detyrimeve të importit për të gjitha produktet ukrainase për të ndihmuar ekonominë e vendit gjatë luftës me Rusinë. Pezullimi njëvjeçar i propozuar, i cili do të duhet të miratohet nga Parlamenti uvropian dhe 27 vendet anëtare, erdhi një ditë pasi Britania njoftoi se do të heqë të gjitha tarifat për mallrat ukrainase.
· Një ekzekutiv i lartë në një nga bankat më të mëdha private të Rusisë tha se ai ka lënë postin e tij dhe ka ikur në Kiev për të luftuar për Ukrainën. Në një intervistë me gazetën e pavarur ruse The Insider, Igor Volobuev me origjinë ukrainase, nënkryetar i Gazprombank, tha se “nuk mund të ishte më në Rusi” dhe se dëshiron të “lajë” të kaluarën e tij ruse.
· Humbjet totale të shkaktuara në Ukrainë nga lufta kanë arritur në 600 miliardë dollarë, tha Zelensky. “Më shumë se 32 metra katrorë hapësirë ??banimi, më shumë se 1,500 objekte arsimore dhe më shumë se 350 objekte mjekësore janë shkatërruar ose dëmtuar,” shtoi ai. “Rreth 2,500 km rrugë dhe pothuajse 300 ura janë rrënuar ose dëmtuar.”
Burimi: /Anabel
