Partnerja e Cristiano Ronaldos, Georgina Rodriguez, i ka dhuruar futbollistit me rastin e Krishtlindjeve një makinë Rolls Royce.
Futbollisti e postoi këtë dhuratë në InstaStoryn e tij në Instagram teksa ka shkruar:
“Faleminderit dashuria ime!”
Makina që Georgina i ka dhuruar mund të vlerësohet me një çmim mbi 284 mijë euro.
37-vjeçari është aktualisht në bisedime me klubin e futbollit të Arabisë Saudite, Al-Nassr dhe thuhet se është afër marrëveshjes historike prej 198.8 milionë euro në vit.
Rikujtojmë, se Ronaldo u largua me lot nga Kupa e Botës 2022 pasi shanset e tij për të fituar turneun për herë të parë në karrierën e tij u ‘shpartalluan’ pasi skuadra e tij e Portugalisë humbi 1-0 në sfidë me Marokun në çerekfinale.
