Pasi Luizi u kthye në kryefjalën e këtij sezoni të “Big Brother VIP”, kudo nëpër rrjetet sociale ndjekësit filluan të shpërndanin intervistat e tij të vjetra apo këngët që ka performuar dikur.
Mirëpo, ata janë afeksionuar aq shumë sa që ditët e fundit kanë shpërndarë foto të Luizit me ish partneren e tij, vajzën e Jozefina Topallit, ku bëhet krahasimi me Kiarën në pamje.
Mos ndoshta Luizi prandaj pati këtë impakt me Kiarën që prej fillimi?
Gjithashtu, pas një bisede të Luizit brenda shtëpisë së “Big Brother VIP”, videoja filloi të komentohej akoma më shumë.
Ditën e djeshme, Luizi po i tregonte Efit për ngjashmërinë e madhe që Kiara ka me një ish partneren e tij, mirëpo ndryshe nga kjo video, Luizi u shpreh se vajza në fjalë ka ndërruar jetë.
Nuk dihet nëse Luizi po fliste me të vërtetë për një tjetër ish partnere të tij, apo ai thjesht ka dashur të mos përfshijë vajzën e Jozefina Topallit në bisedat brenda shtëpisë, pasi ajo prej vitesh ka vazhduar jetën e saj dhe ka krijuar një familje.
