Prime-i i djeshëm i “Big Brother VIP” ka qenë i mbushur plot debate e surpriza, por edhe me eleminime.
Prezantimin e emisionit Arbana e nisi me “shpatë” ku bëri me dije se nuk do të ketë një eleminim, por dy të tillë.
Kështu, konkurrenti i parë që u largua nga shtëpia ishte Xhonatani.
Mirëpo, pasi Dea Mishel hapi zarfin e kuq i cili kishte mbërritur në shtëpi disa ditë më parë, asaj iu dha avantazhi për të nxjerrë në nominim menjëherë tre banorë të shtëpisë.
Pa hezitim, ajo vendosi që të vinte përballë njëri-tjetrit Luizin, Kiarën dhe Efin.
Për pak kohë u hap televotimi për publikun për të përzgjedhur më pak të preferuarin, që sipas votave rezultoi të ishte Efi.
Vendimi iu duk aspak i drejtë Luizit, aq sa gjatë largimit të Efit, ai iu afrua asaj afër në vesh dhe i pëshpëriti: “Do ta marr unë hakun tënd“, duke na habitur të gjithëve.
Nga ana tjetër, zgjedhja që Dea Mishel bëri për të dërguar në nominim grupin LEK, i ka kushtuar shumë.
Në vetëm brenda një ore, Dea humbi mbi 3 mijë ndjekës në rrjetin social Instagram. /Lokimagazine.com
