Bashkëpunimet në muzikë ngjallin gjithmonë shumë interes. Ndër vite, artistët shqiptarë të showbizit kanë realizuar disa nga këngët më të bukura, pikërisht duke bashkuar kreativitetin dhe talentin e tyre.
Bashkëpunime si Ledri Vula-Era Istrefi, Noizy-Enca, Alban Skënderaj-Arilena Ara, etj., kanë pasur një sukses të garantuar, edhe sepse kanë bërë bashkë fansat e dy artistëve të pëlqyer.
Kënga dhe klipi “Born free” nga JUTH në bashkëpunim me reperin Buta është një projekt muzikor kushtuar të rinjve, ose siç njihen ndryshe ndjekësit e JUTH by Vodafone.
Jo më kot në këtë video janë përfshirë edhe personazhe, edhe ata artistë të rinj, të cilët këto muajt e fundit kanë qenë shembulli dhe simboli se si duke qenë vetvetja dhe duke guxuar ti i garanton vetes suksesin në jetë.
Kështu, në videoklipin e bukur që shoqëron këngën e Butës, shfaqen si të ftuar specialë edhe personazhe tejet të dashur për të rinjtë, siç janë Sara Berisha, Dj PM apo Dj Dagz.
