Ardit Cuni ishte një prej konkurentëve më të spikatur të “DWTS”, teksa arriti që të prekë dhe finalen, por pa triumfuar dot.
Megjithatë, gjatë spektaklit, duke qenë se nuk hezitoi të provonte edhe numra të rrezikshëm kërcimi, këngëtari pati edhe incidente apo dëmtime, megjithatë duket se incidenti më i rrezikshëm i ka ndodhur atij para finales dhe ai ka vendosur ta ndajë me fansat e tij vetëm tani.
Me anë të një video-je të postuar në TikTok, ai ka treguar një xhirim nga prapaskena para nisjes së finales së madhe, ku ai shihet teksa rrëzohet nga një lartësi jo e vogël.
Për fat të mirë, këngëtari shprehet se nuk u dëmtua.
