Për herë të parë në histori, një arbitër nxori një karton të bardhë gjatë një ndeshjeje futbolli në Portugali.
Nëse keni sadopak njohuri mbi futbollin, e dini se arbitrat tradicionalisht përdorin kartonin e verdhë (për paralajmërime) dhe të kuq (për pezullimin e përhershëm të një lojtari nga loja).
Kështu që ishte surprizë për njerëzit kur një karton i bardhë u shfaq gjatë ndeshjes së Kupës së femrave mes Sporting Lisbona dhe Benfica.
Kartoni i bardhë, i njohur edhe si “kartoni i lojës së ndershme”, u prezantua nga Federata Portugeze e Futbollit dhe synon të promovojë moralin sportiv. Kartoni shpërblen sjelljet pozitive në fushë.
Deri më tani vetëm Portugalia e ka miratuar kartonin e bardhë dhe mbetet për t’u parë nëse do të përdoret në vende të tjera.
CARTÃO BRANCO NO DÉRBI! ⬜
As equipas médicas do Benfica e do Sporting receberam cartão branco por assistirem um adepto que se sentiu mal na bancada.#Canal11 #FutebolEmPortuguês pic.twitter.com/zTfvwiZFO0
— Canal 11 (@Canal_11Oficial) January 21, 2023
Në të kaluarën, është përdorur edhe kartoni jeshil në ligën e Serisë B të Italisë dhe gjatë Conifa World Cup 2018, i cili është një turne ndërkombëtar për vendet që nuk janë të lidhur me FIFA-n.
Kartoni jeshil përdoret në disa sporte për të njoftuar një paralajmërim për lojtarin që ka kryer një shkelje të vogël e cila nuk është aq serioze sa të dënohet me karton të verdhë.
Burimi: /Anabel
