Me apo pa dëshirën e tij, Kevin Jacobs është kthyer në qendër të vëmendjes në showbiz-in shqiptar, por jo më kot.
Fituesi i “Big Brother Kanada” ka bërë disa reagime publike në mbështetje të Luiz Ejllit, pasi ky i fundit e përmendi në BBV.
Madje u përfol se Kevin do t’a shihnim së shpejti në një intervistë për Top Channel, por ishte vetë ai që teksa postoi një video nga Toronto, mohoi zërat se është nisur për në Shqipëri.
Mirëpo duket se tashmë Kevin është apasionuar pas publikut shqiptar dhe “Big Brother VIP”.
Megjithëse nuk di shqip, Kevin ka bërë me dije se ka ndjekur episodin e plotë të prime-t të djeshëm ku ka dhënë dhe komentet e tij me aq sa ka mundur të kuptojë nëpërmjet gjuhës së trupit.
Në një video të publikuar në rrjetet sociale, Kevin shprehet se në nominimin me Oltën, Kiara duhet të shpëtohet në mënyrë që të shpëtohet dhe Luizi.
“E pashë një episod, unë nuk di shqip por ja përmbledhja e asaj që pashë në ‘Big Brother VIP Albania’. Të gjithë analizuan, kishte disa klipe sesi Kiara po bënte diçka të keqe, nuk e di arsyen por ajo u nominua me Oltën. Di që Olta është konkurrentja e Luizit, e Kiara është e dashura. Për Kiarën, na duhet ta votojmë se na duhet që Luizi të qëndrojë, ndoshta është vetëm strategji, unë nuk di shqip, ndaj e gjitha mund të jetë gabim, por jepi Luiz.”